کراچی گذشتہ چند روز سے سوشل میڈیا پر ایک لڑکی کی ویڈیو وائرل ہے جس میں وہ ’میرا دل یہ پکارے آ جا ‘ گانے پر ڈانس کر رہی ہے۔مہندی رنگ کا لباس زیب تن کیے عائشہ نامی لڑکی کا یہ ڈانس سوشل میڈیا پر اتنا مقبول ہوا کہ ہمسایہ ممالک میں بھی صارفین تعریف کیے بغیر نہ رہ سکے۔مختلف سوشل میڈیا پلیٹ فارمز پر اس ڈانس ویڈیو کو لاکھوں لوگ دیکھ چکے ہیں اور پسندیدگی کا اظہار بھی کر رہے ہیں۔
شادی کے موقع پر بنایا گیا ڈانس کا یہ کلپ اب تک 3 ملین سے زائد بار دیکھا جا چکا ہے۔ گانے پر ڈانس کی ایک ویڈیو سے شہرت پانے والی عائشہ نے مارننگ شو گڈ مارننگ پاکستان میں شرکت کی۔عائشہ نے بتایا کہ جس شادی میں ڈانس کی ویڈیو وائرل ہوئی وہ میری بہترین دوست کی شادی تھی۔
ڈانس کے لیے میں نے کسی اور گانے کا انتخاب کیا تھا تاہم دلہن کی فرمائش پر اس گانے پر ڈانس کیا جو بےانتہا وائرل ہو گیا۔
میں نے گانا پہلے سنا ہوا تھا لیکن اس گانے پر ڈانس کا ارادہ نہیں تھا۔انسٹاگرام کی وجہ سے چار پانچ دن بعد معلوم ہوا کہ میری ویڈیو وائرل ہو چکی ہے۔اہلخانہ بہت سپورٹ کرتے ہیں اس لیے ویڈیو وائرل ہونے کے بعد کسی سخت ردِعمل کا سامنا نہیں کرنا پڑا۔خاندان میں کچھ لوگوں نے اعتراض کیا تاہم میں نے جواب نہیں دیا کیونکہ میری اپنی فیملی میرے ساتھ تھی۔
عائشہ نے مزید کہا کہ میں ٹک ٹاک پر ویڈیوز بنایا کرتی تھی، شوٹس بھی کرتی تھی لیکن شہرت ویڈیو وائرل ہونے سے ملی جس کے بعد فالورز کی تعداد میں بھی اضافہ ہو رہا ہے۔چند دنوں میں فالورز کی تعداد میں لاکھوں کی تعداد میں اضافہ ہوا۔عائشہ نے مزید کہا کہ مجھے اداکاری کا بہت شوق ہے،مستقبل میں اداکارہ بننا چاہوں گی۔عائشہ نے مزید کیا کہا ویڈیو میں ملاحظہ کیجئے :
