چیئرمین پاکستان کرکٹ بورڈ (پی سی بی) رمیز راجہ کی جانب سے قومی کرکٹرز کے اعزاز میں عشائیے کا اہتمام کیا گیا۔
اسلام آباد میں پاکستان کرکٹ ٹیم کو اعزاز میں دیے جانے والے عشائیے میں آرمی چیف جنرل قمر جاوید باجوہ کے علاوہ صدر مملکت ڈاکٹر عارف علوی نے بھی شرکت کرکے کھلاریوں سے ملاقاتیں کیں اور ان کی کارکردگی کو سراہا۔
📸📸 A special meet and greet with the Pakistan players underway in Islamabad in appreciation of the team's recent performances. pic.twitter.com/9xB7vpuJ7s
— Pakistan Cricket (@TheRealPCB) November 24, 2022
عشائیے کی تقریب کے دوران جنرل باجوہ نے کپتان بابر اعظم اور شاہین آفریدی سے بات کی، آرمی چیف نے شاہین آفریدی سے انجری سے متعلق دریافت کیا۔
اس موقع پر صحافیوں سے غیر رسمی گفتگو کرتے ہوئے آرمی چیف کا کہنا تھا کہ قومی کرکٹرز بہت اچھا کھیلتے ہیں، کھلاڑی کارکردگی مزید بہتر بنانے کے لئے محنت کریں جب کہ نوجوان کھلاڑیوں کو بھی سپورٹ کیا جانا چاہیے۔
جنرل باجوہ کا کہنا تھا کہ ٹی20 فارمیٹ میں شاداب خان بہترین کرکٹر ہیں، لیڈرشپ کا کام لڑنا ہوتا ہے، ہار جیت ہوتی رہتی ہے اور جو لیڈر اپنی غلطی نہیں مان سکتا وہ لیڈر نہیں بن سکتا۔
ٹی ٹوئنٹی ورلڈ کپ فائنل سے متعلق آرمی نے کہا کہ ورلڈ کپ میں ہم کلوز مارجن سے ہارے جب کہ بھارت 10 وکٹوں سے ہارا اور اگر شاہین آفریدی زخمی نہ ہوتے تو فاٸنل کا رزلٹ مختلف ہوتا، ہماری ٹیم اب دوبارہ کھڑی ہوگئی ہے۔
جنرل قمر جاوید باوجوہ کا اپنے پسندیدہ کھیلوں کے حوالے سے کہنا تھا کہ کرکٹ کے ساتھ انہیں ہاکی اور فٹبال کا کھیل پسند ہے اور وہ کھیلوں کی بہتری کے لئے اپنی سپورٹ جاری رکھیں گے۔
President of Pakistan Dr Arif Alvi and Chief of Army Staff General Qamar Javed Bajwa join us on the evening honouring the achievements of our cricket stars. pic.twitter.com/vkmBbYhuYT
— Pakistan Cricket (@TheRealPCB) November 24, 2022
تقریب سے خطاب کرتے ہوئے صدر مملکت نے کہا کہ قومی کرکٹ ٹیم کے ارکان میرے ہیروز ہیں، ٹیم نے ورلڈکپ ہارنے کے باوجود بہترین کرکٹ کھیلی، اب پورا پاکستان کرکٹ ایکسپرٹ بن چکا ہے۔
عارف علوی کا کہنا تھا کہ یہ کھلاڑی قوم میں خوشیاں بکھرتے ہیں جب کہ قومی ٹیم کی مزید کامیابیوں کے لئے دُعا گو ہوں۔
