کراچی:پاکستان کی بڑی فضائی کمپنی اسکائی ونگز ایوی ایشن نے پاکستان بھرمیں سیلاب سے متاثرین کی مدد کرنے کے لیے ایسا اقدام کیا ہے کہ جس سے اہل وطن کو بہت حوصلہ ملا ہے ، اسکائی ونگز ایوی ایشن نے سیلاب متاثرین کوہرصورت ریلیف دینے کا اعلان کیا ہے
اس نازک موقع پر سماجی رابطے کی ویب سائٹ ٹویٹر پر یہ حوصلہ افزا پیغام جاری کرتے ہوئے چیف آپریٹنگ آفیسر اسکائی ونگز ایوی ایشن عمران اسلم خان پاکستان نے کہا ہے کہ اداہ سیلاب متاثرین کی امداد کے لیے خصوصی فلائٹ آپریشن شروع کرچکا ہے
چیف آپریٹنگ آفیسر اسکائی ونگز ایوی ایشن عمران اسلم خان نے پریشانی کے اس عالم میں سیلاب میں پھنسے ہوئے پاکستانیوں کی دل جوئی کرتے ہوئے اعلان کیا ہے کہ ملک میں جاری سیلابی صورتحال کے پیش نظر اسکائی ونگز ایوی ایشن نے اپنے تمام کمرشل آپریشن بند کرکے سیلاب متاثرین کی مدد کرنے خصوصی فلائٹ آپریشن شروع کردیئے ہیں
چیف آپریٹنگ آفیسر اسکائی ونگز ایوی ایشن عمران اسلم خان نے اس موقع پر یہ بھی اعلان کیا کہ اسکائی ونگز ایوی ایشن نے سیلاب زدہ علاقوں میں پھنسے ہم وطنوں کو ریلیف کا ساماں پہنچانے کے لیے خصوصی ریلیف فلائٹ آپریشن شروع کرنے کا فیصلہ کیا ہے
پاکستان بھر میں سیلاب متاثرین کی مدد کے حوالے سے ان کا کہنا تھا کہ خصوصی فلائٹ آپریشن کے لیے اسکائی ونگز ایوی ایشن نے ڈی جی سی اے اے سے اجازت طلب کرلی ہے اور اس پر عمل درآمد بھی شروع ہوچکا ہے
یاد رہے کہ اس سے پہلے چیف آپریٹنگ آفیسر اسکائی ونگز ایوی ایشن عمران اسلم خان نے اس بات کے عزم کا اظہارکیاتھا کہ فلائٹ آپریشن کی اجازت ملتے ہی ہنگامی طور پر سیلاب متاثرین کے لئے ریلیف آپریشن شروع کردیں گے، ان کا یہ بھی کہنا تھا کہ ہمیشہ کہ طرح دکھ کی اس گھڑی میں بھی اسکائی ونگز اپنے ہم وطنوں کے ساتھ ہے،
