سانگھڑ: نواب شاہ روڈ پر سیم نالے میں پڑنے والا شگاف 100 فٹ تک بڑھ گیا ہے جس کی وجہ سے ارد گرد کے دیہات زیر آب آگئے ہیں۔
سیم نالے میں پڑنے والے چوڑے شگاف کے بعد وہاں مقیم آبادی نے اپنی مدد آپ کے تحت نقل مکانی شروع کردی ہے۔
سیم نالے میں پڑنے والے چوڑے شگاف کو شہریوں کی جانب سے اپنی مدد آپ کے تحت بند کرنے کی بھی کوشش کی جا رہی ہے، اس مقصد کے لیے لوگوں کی بڑی تعداد سیم نالے پر بھی پہنچ گئی ہے۔
ڈپٹی کمشنر کا کہنا ہے کہ شہر کو محفوظ بنانے کے لیے فوری طور پر مٹی کے بند بنا دیے ہیں، کینالز کو بند کردیا ہے اور علاقے میں دفعہ 144 نافذ کردی ہے۔
