رواں مالی سال چار ماہ سے قبل ہی فیڈرل بورڈ آف ریونیو (ایف بی آر) کی ٹیکس وصولی 20 کھرب روپے سے زائد رہی، چیئرمین ایف بی آر عاصم باجوہ نے ٹیکس وصولی میں اضافے پر ایف بی آر ٹیم کی کارکردگی کو سراہا اور امید ظاہر کی کہ رواں مالی سال ٹیکس وصولی کا ہدف حاصل کر لیا جائے گا۔
ذرائع کا کہنا ہے کہ اکتوبر کے لئے ٹیکس وصولی کا ہدف 534 ارب روپے ہے، جبکہ دوسری سہ ماہی کا ہدف 20 کھرب چھتیس ارب روپے ہے۔
پہلی سہ ماہی میں 16 کھرب 35 ارب روپے ٹیکس جمع ہوا تھا، تاہم اکتوبر کے پہلے 24 دنوں میں تین سو پینسٹھ ارب روپے سے زائد اضافے نے ایف بی آر کی وصولی 20 کھرب روپے پر پہنچا دی۔
ستمبر میں بھی اہف بی آر نے 685 ارب روپے ٹیکس جمع کیا تھا۔
