حکومت سندھ نے ڈاکٹرز اور پیرامیڈکس کی تنخواہوں سے سیلاب متاثرین کی امداد کے لئے کاٹی گئی رقم واپس کرنے کا فیصلہ کرلیا ہے۔
محکمہ صحت نے صوبائی وزارت خزانہ کو خط لکھ کر فیصلے سے آگاہ کردیا ہے۔
حکومت نے مذکورہ فیصلہ ینگ ڈاکٹرز اور پیرامیڈکس کی جوائنٹ ایکشن کمیٹی کے مطالبے پر کیا ہے۔
خط کے متن کے مطابق سیلاب متاثرین کی امداد کے لئے ڈاکٹرز اور پیرامیڈکس اسٹاف کی کاٹی گئی رقم انہیں واپس کرنے کے انتظامات کریں۔
