بانی پی ٹی آئی عمران خان کے آفیشل ایکس اکاؤنٹ سے ریاست مخالف پوسٹ کی تفتیش سے متعلق ذرائع کا کہنا ہے کہ عمران خان شامل تفتیش ہوگئے ہیں۔
ریاست مخالف پوسٹ پرعمران خان کو اڈیالہ جیل میں شامل تفتیش کیا گیا، ایف آئی اےکی ٹیم بانی پی ٹی آئی سےتفتیش کرنے کے بعد روانہ ہو گئی۔
زرائع کے مطابق ایف آئی اے ٹیم نےعمران خان سے تقریبا ایک گھنٹہ تک تفتیش کی۔
عمران خان سےوکلاء کی موجودگی میں16سوالات کئے گئے، ایف آئی اے ٹیم نے عمران خان کوویڈیو بھی دکھائی۔
عمران خان اپنے وکلاء چودھری ظہیر عباس، انتظار پنجوتھا کی موجودگی میں شامل تفتیش ہوئے۔
تفتیشی ٹیم میں ایڈیشنل ڈائریکٹر ایف آئی اے ایاز احمد اور سب انسپکٹر منیب شامل تھے۔
