ترجمان وزارت صنعت کا کہنا ہے کہ وزیر اعلی پنجاب مریم نواز شریف کی ہدایت پر پنجاب فوڈ اتھارٹی کا سکریننگ کا نظام فول پروف بنایا گیا ہے۔
اپنے ایک بیان میں انہوں نے کہا کہ رمضان نگہبان پیکیج بھجوانے سے پہلے سکریننگ کے عمل سے گذارا جاتا ہے، پیکیج کی سکریننگ میں پایا جانے والا غیر معیاری سامان واپس کیا جاتا ہے۔
رمضان نگہبان پیکیج کی تقسیم سے پہلے تھیلوں میں موجود اشیاء کا معیار چیک کیا جاتا ہے، یقینی بنایا گیا ہے کہ غیر معیاری اشیاء شہریوں تک نہ پہنچیں۔
ترجمان وزارت صنعت نے مزید کہا کہ ہر تھیلا جدید ٹیکنالوجی کے ذریعے ٹریک سسٹم سے منسلک ہے۔رمضان نگہبان پیکیج کے بارے میں بے بنیاد پراپگنڈا افسوسناک اور قابل مذمت ہے۔
