کمپنیز نے بین الاقوامی مارکیٹ میں قیمت کوجوازبناکرایل پی جی مہنگی کردی، اور فی کلو ایل پی جی کی قیمت میں 10 روپے کا اضافہ کردیا۔
ایل پی جی کی قیمت میں فی کلو 10 روپے کا اضافہ کردیا گیا ہے جس کے بعد گھریلو سیلنڈر 120 روپے اور کمرشل سیلنڈر کی قیمت میں 450 روپے کا اضافہ ہوا ہے۔
کمپنیز نے بین الاقوامی مارکیٹ میں قیمت کو جواز بنا کر ایل پی جی مہنگی کی ہے اور بتایا ہے کہ 92 ڈالر فی میٹرک ٹن اضافے کے بعد ایل پی جی 556 ڈالر فی میٹرک ٹن پر پہنچ گئی ہے۔
دوسری جانب چیئرمین ایل پی جی ایسوسی ایشن عرفان کھوکھر کا کہنا ہے کہ 2 دن میں ایل پی جی کی فی کلو قیمت 20 روپے بڑھائی گئی ہے، جس کے بعد ایل پی جی کی فی کلو قیمت 210 سے بڑھ کر 220 روپے فی کلو پہنچ چکی ہے، اور اس میں مزید اضافے کا خدشہ ہے۔
