پاکستان میں نئے کاروباری ہفتے کی شروعات میں ہی ڈالر کی قیمت میں اضافہ ہوگیا۔
اوپن مارکیٹ میں ڈالر کی قیمت میں ایک روپیہ اضافہ ہوا، جس کے بعد اوپن مارکیٹ میں ڈالر 304 روپے کا ہوگیا۔
ملکی تبادلہ منڈیوں میں روپے کے مقابلے ڈالر کی قیمت میں 57 پیسے اضافہ ہوا جس کے بعد ڈالر کا لین دین 287.50 روپے میں جاری ہے۔
واضح رہے کہ گزشتہ ہفتے ڈالر ایک روپے 25 پیسے مہنگا ہوا تھا جب کہ اوپن مارکیٹ میں امریکی کرنسی کی قیمت فروخت 305 روپے تھی۔
دوسری جانب پاکستان اسٹاک ایکسینج میں بھی کاروباری کا منفی رجحان دیکھا جا رہا ہے، 100 انڈیکس 21 پوائنٹس کمی سے 41 ہزار 883 پر آگیا۔
