اوگرا نے اپریل کیلئے ایل این جی کی نئی قیمتوں کا نوٹیفکیشن جاری کردیا۔
اپریل میں گیس کمپنیوں کے لیے آر ایل این جی کی نئی قیمتیں جاری کردی گئی ہیں، اور اس حوالے سے اوگرانے نوٹیفکیشن بھی جاری کردیا ہے۔
اوگرا کی جانب سے اپریل کیلئے ایل این جی کی نئی قیمتوں کے نوٹیفکیشن کے مطابق سوئی نادرن کیلئے ایل این جی 0.06 ڈالر فی ایم ایم بی ٹی یو سستی کی گئی ہے، اور سوئی نادرن کے سسٹم پر ایل این جی کی نئی قیمت 13.23 ڈالر فی ایم ایم بی ٹی یو مقرر کی گئی ہے۔
نوٹیفکیشن کے مطابق سوئی سدرن کیلئے ایل این جی 0.03 ڈالر فی ایم ایم بی ٹی یو سستی کردی گئی ہے، اور سوئی سدرن کیلئے ایل این جی کی نئی قیمت 13٫48 ڈالر فی ایم ایم بی ٹی یو مقرر کی گئی ہے۔
