سرما کی آمد کے ساتھ ہی افغانستان پرحکومت کرنے والے طالبان نے عوام کو سردی سے بچانے کا بھرپور بندوبست کرلیا۔
کابل میں 400 ہزار ٹن کوئلے کی نقل و حمل جاری ہے جسے 32 منتخب علاقوں تک پہنچایا جارہا ہے، یہ عمل سردیوں کی آمد کے ساتھ ہی کابل شہر میں ایندھن کی قیمتوں کو کنٹرول کرنے کے لیے مقرر کردہ کمیٹی کے فیصلے کے مطابق کیا جاتا ہے۔
1/3: کابل ښار ته د 400زره ټنو ډبرو سکرو د لېږد لړۍ روانه او په ټاکل شویو 32 ساحو کې یې د ځای پر ځای کېدو چارې په عملي ډول پیل شوې. دا پروسه چې د ژمي په رارسېدو سره د کابل ښار کې د سونتوکو بیو د کنټرول په موخه د ټاکل شوې کمېټې له پرېکړې سره سم یې د لېږد چارې pic.twitter.com/5qWMjw6kB8
— د ریاست الوزراء اقتصادي معاونیت (@FDPM_AFG) November 22, 2022
یہ کمیٹی مائع گیس کی قیمتوں کو کنٹرول کرنے اور احتیاطی ذخائررکھنے کے مقصد سے پرائیویٹ سیکٹراورسرکاری تیل وگیس کمپنی کے ساتھ مل کر تشکیل دی تھی۔
طالبان حکومت نے رواں سال ستمبرمیں روس سے تیل، گیس اور گندم خریدنے کے معاہدے پردستخط کیے تھے، معاہدے کی تصدیق کرتے ہوئے قائم مقام وزیرتجارت حاجی نورالدین عزیزی کا کہنا تھا کہ روس افغانستان کوسالانہ 10 لاکھ ٹن پیٹرول اور10 لاکھ ٹن ڈیزل فراہم کرے گا۔
اقتدارمیں آنے کے بعد سے یہ افغانستان کا پہلا بین الاقوامی تجارتی معاہدہ تھا۔
